Þriðja kynslóð farsíma

Þá er þriðja kynslóð farsíma greinilega handan við hornið þar sem Póst- og fjarskiptastofnun er búin að veita Nova, Símanum og Vodafone rekstrarleyfi fyrir slíkt. Með þessu eiga notkunarmöguleikar farsímans að aukast og að hægt verði að gera allt með farsímanum það sem hægt er að gera á netinu.

Nova ætlar sér greinilega að koma sterkt inn á þennan markað og Síminn boðar einnig að leiða samkeppnina, vera fyrst á markað og bjóða upp á bestu þjónustuna. Spennandi að sjá allavega hvernig þetta þróast.

Nova fær formlegt rekstrarleyfi fyrir þriðju kynslóð farsíma

Athugasemdir

[Valgerður Sigurðardóttir, 12.3.2007 kl. 21:27]

Það verður ekki dónalegt að geta bloggað úr símanum sínum í haustferðunum á Trukknum, allt beint í æð

[Kristján, 13.3.2007 kl. 09:16]

Verður fínt, ekki víst samt að þetta nái fyrir næsta haust.

[Pétur (IP-tala skráð) 13.3.2007 kl. 11:26]

Það er þegar hægt að blogga, þegar hægt að skoða sjónvarp í símann og sækja tónlist... hver er nýjungin? Jú, að geta horft á viðmælandann á meðan talað er (sem eyðir rafhlöðunni mjööööög mikið).

[Rúnar Óli Bjarnason, 13.3.2007 kl. 12:22]

Rosalega dragast menn afturúr í þessum málum á Fróni. Ég er búinn að vera með 3g síma í fjögur ár! Hann er jafnvel að verða svolítið lúinn, greyið.