Staðinn að verki ...

Mátulegt á þennan 15 ára unglingspilt að vera staðinn að verki við veggjakrot. Gott líka hjá lögreglunni að refsa honum með því að láta þrífa upp eftir sig sóðaskapinn!

Gert að þrífa veggjakrotið

Annað banaslys ársins í umferðinni

Sorgleg tíðindi að annað banaslys ársins hafi átt sér stað í umferðinni í dag á Suðurlandsvegi  Vona innilega að það verði færri í ár sem láta lífið í umferðinni heldur en í fyrra

Ég votta aðstandendum konunnar sem lést í umferðarslysinu samúð mína.

 

Kona lést í umferðarslysi á Suðurlandsvegi

Eurovision lag Ísraela

Ísraelar fá að taka þátt í Eurovision með þetta "horror terror" lag sitt Push the Button. Horfði og hlustaði á það á youtube, mæli ekki með því alveg hræðilega einhæft og leiðinlegt lag.

Eurovision-lag Ísraela fær að taka þátt í keppninni

Fjárdráttur ...

Meira hvað þessi Bandaríkjamaður hefur verið öflugur við við bæði fjárdrátt sem og annars konar drátt. Þetta og að hann var búinn að endurgreiða féð sem hann stal hefur kannski hjálpað honum eitthvað þegar var dæmt í málinu

Á von á sex börnum með sex konum

Minn bloggtími

Ég er búinn að finna þann tíma sem virðist helst henta til að sinna þessu bloggi. Er í aukavinnu yfirleitt 3virk kvöld vikunnar og passar mjög vel að nota tímann með því að vinna til að blogga, lesa fréttir og einnig önnur blogg. Búinn að reyna vera bæta upp fyrir bloggleysi síðastu daga.

Annars fín helgi að baki, átti mjög rólegt og gott föstudagskvöld heima. Svo á laugardagskvöld skellti ég mér á mjög skemmtilega og vel heppnaða árshátíð þar sem var í boði góður matur, flott skemmtiatriði milli rétta og ball á eftir. Ekki hægt að biðja um mikið meira

Þriðja kynslóð farsíma

Þá er þriðja kynslóð farsíma greinilega handan við hornið þar sem Póst- og fjarskiptastofnun er búin að veita Nova, Símanum og Vodafone rekstrarleyfi fyrir slíkt. Með þessu eiga notkunarmöguleikar farsímans að aukast og að hægt verði að gera allt með farsímanum það sem hægt er að gera á netinu.

Nova ætlar sér greinilega að koma sterkt inn á þennan markað og Síminn boðar einnig að leiða samkeppnina, vera fyrst á markað og bjóða upp á bestu þjónustuna. Spennandi að sjá allavega hvernig þetta þróast.

Nova fær formlegt rekstrarleyfi fyrir þriðju kynslóð farsíma

Svik og prettir sumra veitingahúsa

Ljóst m.v. þessa frétt að veitingahúsin eru að stinga hluta af VSK lækkuninni í eigin vasa og nota tækifærið til að svindla á okkur neytendum! Væri samt fróðlegt ef t.d. Neytendasamtökin eða aðrir slíkir aðilar eru eitthvað nánar að fylgjast með hvaða fyrirtæki í þessum bransa eru að standa sig og hver ekki.

Fjármálaráðherra: Vonbrigði að veitingahúsin hafi ekki lækkað verð

Hækkun bensínverðs ...

Það er alltaf sama lögmálið með bensínverð. Lítið til af birgðum og olíufélögin snögg til þegar heimsmarkaðsverð hækkar en hið gagnstæða gildir þegar heimsmarkaðsverð lækkar.

Að vísu ekki öll félögin búin að hækka en hin hljóta að fylgja í kjölfarið með sömu hækkun

 

Verð á eldsneyti hækkar

Fínni matur

Skv. þessari frétt verðum við Íslendingar duglegri við að kaupa okkur fínna i matinn núna eftir lækkun matarverðs 1. mars sl. Veit ekki hvort þetta muni hafa þau áhrif á mig, en lækkun verðs á veitingahúsum hefur frekar þau áhrif að maður láti það oftar eftir sér að fara út að borða.

Steik í stað samloku

Viltu finna milljón ...

Ég gerðist menningarlegur sl. föstudagskvöld og skellti mér í Borgarleikhúsið á leikritið viltu finna milljón, með rúmlega 20 manna hóp úr vinnunni. Ekki oft sem maður bregður undir sig betri fætinum og skellir sér í leikhús þó geti vissulega verið mjög gaman.

Í heildina ágætis leikrit sem skilaði sínu sem afþreying, þó fannst mér helst að sýningin væri í það lengsta, ég allavega farinn að tapa smá einbeitingu áður en kom að hléinu. Þarna áttu hins vegar helstu grínleikarar okkar góða spretti inn á milli eða þau Eggert Þorleifsson, Laddi og Helga Braga.